जीवनदूत

मिरा-भाईंदर वसई, विरार पोलीस आयुक्तालया तर्फे इंडियन मेडिकल असोसिएशन मिरा-भाईंदर शाखेच्या संयुक्त विद्यमाने कार्डिओ पलमोनरी रिसुसिटेशन (सीपीआर) प्रशिक्षण कार्यक्रमाचे आयोजन करण्यात आले होते. डॉ. राजीव अग्रवाल आणि डॉ. निरज जिंदाल, यांनी आय.एम.ए. भाईंदर येथील प्रतिनिधी प्रात्याक्षिक दिले. सी.पी.आर.ही जीवन वाचवणारी प्रक्रिया आहे आणि जेव्हा कोणीही कोठेही आपत्कालीन परिस्थिती उदभवते तेव्हा ती केली जाते. हे प्रशिक्षण एक मुलभुत प्रशिक्षण आहे जे रस्त्यावरील वाहतुक, अपघात, हृदयविकाराचा झटका किंवा अचानक श्वास घेणे आणि हदय थांबणे यासारख्या आपत्कालीन परिस्थितीत एखाद्या व्यक्तीचे प्राण वाचवण्यासाठी सामान्य किंवा सामान्य व्यक्ती काय करु शकते हे सांगते. या प्रशिक्षणात, सी.पी.आर. चे थेट प्रात्यक्षित पोलीस तसेच रिक्षा चालकांना देण्यात आले. कारण याच लोकांना आपत्कालीन परिस्थितीत वारंवार सामोरे जावे लागते. आणि म्हणूनच त्यांना उपचाराच्या सुवर्ण तासात हा इमर्जन्सी सी.पी.आर. देणे शक्य झाले तर त्यांना रुग्णालयात हलविण्यापर्यत अनेक लोकांचे प्राण ते वाचवू शकतात. सदर प्रशिक्षणाला मां. पोलीस आयुक्त श्री मधुकर पांडेय, पोलीस उप-आयुक्त श्री सुहास बावचे यांच्यासह विविध पोलीस स्टेशनचे पोलीस अमंलदार, वाहतुक शाखेचे पोलीस अंमलदार आणि मिरा-भाईंदर शहरातील काही रिक्षा चालक असे कार्यक्रमासाठी ११० जण उपस्थित होते.